شهداء الثورة من الشباب

شهداء الثورة
طول عمرنا ف مصرنا نقول دمياط ورشيد
اتــارى الفــرع التالت فــرع دم الشهــيــــد
الشهدا اللى ف شبابهم وقف السعد ببابهـم
نادى عليهم خدهم ع الجنة برزق جــديــــد
مهما كتبت عليهــم ماأقدرش انا اوفيهـــــم
رب العباد قال ليهــــــم ليكـــم فيهـــا مزيــد
ســمانا تبكــى عليهـــم واحلامهـم بتناديهـم
حلمهــم اتحـقق بيهـــم ياخسارة وهما بعيـد
هاتــدوم فينا ذكـــراكــم وصوركم قبل دماكم
والغـــدر اللى ماهناكم حالفين ليه بالتهــديد
على فكـــرة دمكــو غالى وخلانا فى العلالى
ولا يمكن هانهنيهــم ولا حتى ف يوم العيـد
هانرد الضربة عليهم حالفين مش هانخليهم
ولاذكرى هاتكون ليهم وكبيرهم يبقى وحيـد